Пирĕн районта кире пуканĕн спорчĕ халиччен ытлашши аталансах кайманччĕ-ха. Вăл юлашки çулсенче шкулсенче вăй илме пуçларĕ. Çавна шута илсе кире пуканĕ йăтассипе ăмăртусем район шайĕнче те иртеççĕ. Нумаях пулмасть ку енĕпе шкулсен командисем хăйсен пултарулăхне кăтартрĕç. Вăтам шкулсем хушшинче тăманлăвыçлисем вăйлăрах пулнине кăтартса пачĕç, 27 балл пуçтарчĕç, район чемпионĕ пулса тăчĕç. Шурут вăтам шкулĕн спортсменĕсем 24 балл пуçтарса иккĕмĕш, нĕркеçсем (22 балл) виççĕмĕш вырăнсене йышăнчĕç. Йăлмахвасем (тĕп шкулсен командисем хушшинче) армреслингра кăна мар, кире пуканĕ йăтассинче те чи пултаруллисем пулнине çи-рĕплетрĕç, 20 балл пуçтарса пĕрремĕш парнене тивĕçрĕç. Хирти Сĕнтĕр (14 балл) тата Йỹç Шăхаль (13 балл) шкулĕсен командисем иккĕмĕшпе виççĕмĕш призерсем пулчĕç.

Первоисточник: "Каçал Ен"