Район территорийĕнче тунă пĕтĕм преступленисен шутĕнче çуррине яхăн ют пурлăха вăрлассипе, çаратассипе çыхăннă преступленисем йышăнаççĕ. Иртнĕ çул кăна вĕсемпе 104 уголовлă ĕç пуçарнă. Районти кооперативсенчен, уйрăм хуçалăхсенчен выльăх çухалать. Пĕлтĕр кăна ун пеккисем 20 преступлени пулнă. Çĕнĕ çул çывхарса килнĕ кунсенчен пĕринче аслă çул хĕрринчи "Лада" обществăлла апатлану предприятие №"Закусочная"№ пĕр палламан çын пырса кĕрет. Кăнтăр кунĕнчех, сутуçăсем умĕнчех кунтан сĕмсĕррĕн эрех-сăра, укçа çаратса тухать. Закусочнăйĕн-че ĕçлекенсем шăв-шав çĕклеççĕ. Вĕсен сассине çул çине тухнă милици сотрудникĕсем В.Оленевпа №ГИБДД№ В.Колосов №патрульпе пост служби№ илтеççĕ. Чупса таракан çынна хăваласа çитсе чараççĕ. Уголовлă ĕç пуçарнă, следстви ĕçĕсем пыраççĕ. t Çав кунсенчех çул çитмен ачасем №иккĕн пулнă№ Кĕçĕн Каçалта пурăнакан çыннăн пỹртне кĕрсе тĕрлĕ электроаппаратура вăрласа тухаççĕ. Вĕсене çийĕнчех тытса чарнă. Явап тытма тивет. t Çĕнĕ çул каçĕнче Нĕркеçре пурăнакан пĕр тулăксăр-скер ялти çыннăн хуçалăхне кĕрсе тухать. Кунтан вăл 30 литр кĕрекен хурана хăйпе пĕрле илсе каять. Тĕслĕ металл сутса укçаллă пулса пырне чỹхес тенĕ-ши( Çук çав, ăна тытнă. Халĕ следстви аллинче. t Январĕн 6-мĕш каçхине "Победа" кооперативăн Юнтапари лаша витинчен пĕр харăсах икĕ лаша çухалать. Çунине кỹлсех кайнă. Васкавлă шырав ĕçĕсем милици сотрудникĕсене Патăрьел районĕнчи Ыхра Çырмине илсе çитереççĕ. Мĕскĕн лашисене пусма та ĕлкĕрнĕ иккен. Уголовлă ĕçе следовательсем тишкереççĕ.

 Январĕн 7-мĕшĕнче çĕрле "Слава" кооперативăн Луцкинчи ферминчен 300 ытла килограмм таякан вăкăра такамсем çавăтса каяççĕ. Ытла аякках илсе каяйман, пусма та ĕлкĕреймен. Кайнлăк ялĕнче шыраса тупаççĕ вăкăра. Уголовлă ĕçе следстви уйрăмне панă. Вăрăсен суд сакки çине ларма тиветех.