Кашни çулах Хырхĕрринче олимп чемпионĕ В.Воронков ячĕпе иртекен ăмăртусенче çĕршер спортсмен йĕлтĕр йĕрĕ çине тухать. Кăçал вĕсем Çĕнĕ çул çывхарса килнĕ кунсенче иртрĕç. Пĕтĕмĕшле пĕлỹ паракан тĕп шкулсенчен 8 команда килнĕ. Вăрманхĕрри Чурачăк шкулĕн йĕлтĕрçисем ытти çулсенчи пекех пĕрремĕш вырăна хăйсен аллинчен вĕçертмерĕç. Йăлмахва шкулĕн спортсменĕсем те юлашки çулсенче ăмăртусенче лайăх кăтартусем тăваççĕ, вĕсен иккĕмĕш вырăн. Александровка тĕп шкулĕн команди виççĕмĕш вырăна тивĕçрĕ. Вăтам шкулсен командисем хушшинче №11 команда№ те яланхиллех хырхĕррисем район чемпионĕ ята сыхласа хăварчĕç. Тăманлă Выçли вăтам шкулĕн йĕлтĕрçисем иккĕмĕш вырăн йышăнчĕç. Анат Тимĕрчкасси шкулĕн спортсменĕсем виççĕ-мĕш призер пулчĕç. Предприятисемпе организацисен, учрежденисен виçĕ команди йĕлтĕр йĕрĕ çинче тупăшрĕ. Çак ăмăртусенче "Восток" кооператив йĕлтĕрçисем чи вăйлисем пулчĕç, В.Воронковăн пĕрремĕш парнине çĕнсе илчĕç. Учительсен команди вара иккĕмĕш вырăна тивĕçрĕ. Район больницин туслă команди виççĕмĕш вырăна çĕнсе илчĕ.

Первоисточник: "Каçал Ен"