Нумаях пулмасть Нĕркеç вăтам шкулĕнче шашка енĕпе спорт мастерĕн кандидатне П.Ф.Гладкова халалласа турнир иртрĕ. Тăххăрмĕш хут пуçтарăнчĕç çак ăмăртусене шашка вăййине юратакансем. Ентеш ячĕпе ирттернĕ турнирта шашка хăмисем çинче 50 ытла спортсмен вăй виçрĕ. Хĕрачасем хушшинче Нĕркеç вăтам шкулĕнче вĕренекен Катерина Краснова чи вăйли пулчĕ, пĕрремĕш приза çĕнсе илчĕ. Иккĕ-мĕшпе виççĕмĕш вырăнсем те Нĕркеç вăтам шкулĕн хĕрĕсенех. Вĕсем _ Марина Ефремовăпа Оксана Комарова. Арçын ачасем те шашкăлла ăста вылянине çирĕплетрĕç. Вĕсем хушшинче те çĕнтерỹçĕ Нĕркеçренех пулчĕ. Леонид Кузнецов чемпион пулса тăчĕ. Иккĕмĕш вырăна Шурутран килнĕ Евгений Терентьев çĕнсе илчĕ. Сергей Максимов №Нĕркеç№ _ виççĕмĕш призер. Хĕрарăмсем хушшинчи тытăçусем те çивĕч иртрĕç. Кунта Петр Федоровичăн йăмăкĕ №вăл Шупашкарти агрегат заводĕнче ĕçлет№ Елена Иванова тетĕшĕн пĕрремĕш призне çĕнсе илчĕ. Район больницин васкавлă пулăшу уйрăмĕнче вăй хуракан Надежда Волкова _ иккĕмĕш, Нина Степанова пенсионер виççĕмĕш вырăнсене йышăнчĕç. Арçынсем хушшинче вара чемпион ята Виталий Индюков тивĕçрĕ. Нĕркеç вăтам шкулĕн физкультура учителĕ Алексей Волков иккĕмĕш призер пулчĕ. Николай Максимов виççĕмĕш вырăн йышăнчĕ. Çĕнтерỹçĕсене чысласа асăнмалăх парнесем пачĕç.

Первоисточник: "Каçал Ен"