Иртнĕ çул районти паспортпа виза служби пурĕ 1954 çĕнĕ паспорт панă, вăл шутран 155-шĕ _ çухатнисем вырăнне. 2003 çулта вара район çыннисене 6187 паспортпа тивĕçтернĕччĕ. Анчах та çĕнĕ паспорт илнипе кăна ĕç вĕçленмест вĕт-ха. Ял администрацийĕсенче пропискăра тăнине паспортра паллă тутармаллине чылайăшĕ манать. Çакă паспорт режимне пăсни шутланать. Пропискăна тăманни çĕнĕ паспорт илменнипе пĕрех, çын ниçта та курăнса тăмасть. Çавăн пеккисем район территорийĕнче сахалах та мар. Çавăнпа паспорт хуçисен те, ял администрацийĕсен те пропискăпа çыхăннă йĕркене пăснă тĕслĕхсене вăхăтра пĕтермелле. Пĕлтĕр паспорт йĕркине пăснăшăн 484 çынна административлă майпа айăпласа явап тыттарма тиврĕ.

Первоисточник: "Каçал Ен"