Сергей Зубаревăн, ĕçпе вăрçă, спорт ветеранĕн полиатлонри (хĕллехи те, çуллахи те) çитĕнĕвĕсем çинчен районта пĕлмен çын çук та пулĕ. Çулсерен çав ăмăртусенчен Сергей Иванович чаплă парнесемпе таврăнать. Декабрĕн 29-мĕшĕнче спорт ветеранĕ Мускаври йĕлтĕр йĕрĕ çинче вăй виçнĕ. Çитмĕл çултан аслăраххисем хушшинче вăл 5 километрлă дистанцире виççĕмĕш призер пулса тăнă. Январĕн 7-мĕшĕнче вара Мускав облаçĕнчи Одинцово хулинче Раштавăн йĕлтĕр йĕрĕ çине тухнă. Кунта каллех 5 километрлă дистанцире 60 çулхисенчен аслăраххисемпе тупăшса финишра пиллĕкмĕш вăхăт кăтартнă. Халĕ Сергей Иванович Калугăри (Раççей чемпионачĕ) тата Мурманск облаçĕнчи Мончегорскри(Мир кубокĕн 2-мĕш этапĕ) ăмăртусене кайма хатĕрленет. Ăнăçу, телей сунар ĕçпе вăрçă, спорт ветеранне. 

Первоисточник: "Каçал Ен"