Асанкасси вăтам шкулĕнчи ирĕклĕ майпа кĕрешекенсен пултарулăхĕ, çитĕнĕвĕсем çинчен тăван район хаçачĕ "Каçал ен" тăтăшах пĕлтерсе тăрать. Юлашки çулсенче вара кавир çине арçын ачасем кăна мар, хĕрачасем те тухма пуçларĕç, çак спорта кăмăлласа пăрахрĕç. Вĕсем хушшинче вара республика, Раççей шайĕнче çĕнтерекенсем те пур. Акă, нумаях пулмасть Шупашкарта ирĕклĕ майпа кĕрешекен хĕрачасем(кадеткăсем теççĕ) хушшинче республика чемпионĕ ята çĕнсе илессишĕн кавир çинче тытăçусем иртрĕç. Çак ăмăртусенчен Асанкасси хĕрачисем лайăх кăтартусемпе таврăнчĕç. Ольга Денисова хăйĕн виçеллисем хушшинчи тытăçусенче чи ăста кĕрешекенни пулчĕ _ чемпион лентине тивĕçрĕ. Анастасия Мироновăпа Ирина Денисова иккĕмĕш, Валентина Козлова виççĕмĕш вырăнсене çĕнсе илчĕç. Призерсене саламлатпăр, пысăк спортра ăнăçу сунатпăр. .

Первоисточник: "Каçал Ен"