Район администрацийĕн ларусем ирттермелли залĕнче ялхуçалăх тата тирпейлекен промышленность, вĕрентỹ, сывлăха сыхлас ĕç, культура отраслĕсен ертỹçисемпе, унти профсоюз совечĕсен ертỹçисемпе, активĕпе ЧР профсоюз рескомĕн яваплă ĕçченĕсем семинар-канашлу ирттерчĕç. Ăна ялхуçалăх управленийĕн начальникĕ Г.М.Киргизов ертсе пычĕ. Тĕрлĕ ыйтусемпе республикăран килнĕ А.В.Щербаков, Н.И.Глазкова, С.Д.Максимов, Г.М.Германова тухса калаçрĕç. Ĕç законодательствинче пулнă улшăнусемпе паллаштарчĕç, ĕç хăрушсăрлăхĕн ыйтăвĕсем çинче чарăнса тăчĕç. Канашлура ыйтусем нумай пулчĕç. Вĕсем çине профсоюз рескомĕн представителĕсем тулли хурав пачĕç. Калаçу профсоюзсен пурнăçĕпе çыхăннă ытти ыйтусем тавра та пулчĕ. 

Первоисточник: "Каçал Ен"