Февралĕн 8-мĕшĕнче Шупашкара Канадăн Раççей Федерацийĕнчи посольствин советникĕ Фрэд Бойс ĕçлĕ визитпа килнĕ. Тĕп хуламăрта вăл ялхуçалăх, экономика аталанăвĕн тата суту-илỹ, промышленноçпа энергетика министрĕсемпе М.В.Игнатьевпа, Г.Т.Акимовăпа, Ю.П.Волошинпа, республикăра малта пыракан ялхуçалăх организацийĕсен ертỹçисемпе тĕл пулнă. Тĕлпулусенче Бойс господин Канадăпа Чăваш Ен хушшинчи ĕçлĕ çыхăнусем йĕркелесси пирки калаçнă. "Пирĕн пĕр пекки нумай: климат, çĕрсем. Ялхуçалăх ĕçĕнчи пирĕн опыт сирĕншĕн усăллă пуласса шанатăп",_ тенĕ хăна. Фрэд Бойс çав кунхине Комсомолькине те килсе курчĕ. Мĕн илсе çитернĕ-ха ăна кунта( Пирĕн районти "Çĕрулмие мухтав" агрофирмăн ĕçĕ кăсăклантарчĕ ăна. Кунта "иккĕмĕш çăкăра" çĕнĕ техникăпа, тĕнчере малта пыракан технологипе туса илнине ырларĕ аякран килнĕ хăна. ЧР çĕрулмипе ĕçлекенсен ассоциацийĕн руководителĕ А.П.Капитонов, ЧР Ялхуçалăх министрĕ М.В.Игнатьев, райадминистрацин ялхуçалăх управленийĕн начальникĕ Г.М.Киргизов ăна хамăрăн опытпа паллаштарчĕç. Канада тĕрлĕ проектсем сĕнет. Вĕсем хушшинче ялхуçалăх техникипе пулăшасси, çĕнĕ технологисене ĕçе кĕртесси те пур. Ялхуçалăхне информатизацилес енĕ-пе пĕрле ĕçлеме те майсем пур. Хальхи вăхăтра çак проекта Украинăра пурнăçа кĕртеççĕ. Кайран çак опыта канадецсем Раççейре те усă курасшăн. Ялхуçалăхне информатизацилесси Раççей Федерацийĕн уйрăм регионĕсенче тин çеç пуçланнă. Чăваш Енре çак енĕпе "Агро-Инноваци" унитарлă предприяти ĕçлет. 

Первоисточник: "Каçал Ен"