Районти ача-пăча тĕслĕх библиотеки 2 пине яхăн вулакана тĕрлĕ кĕнекесемпе, хаçат-журналсемпе тивĕçтерет. Эпир 21 тĕрлĕ периодикăлла издани çырăнса илетпĕр. Фонд справочнăй литературăпа, компакт-дисксемпе пуянланса пырать. Январĕн 20-мĕшĕнчен пуçласа компьютерсемпе интернета тухма пултарни питех те пысăк вырăн йышăнчĕ. Халĕ пирĕн вулакансем çак çĕнĕлĕхпе анлăн усă курма пултараççĕ. Эпир ачасене кăмăл-сипет тата право енĕпе воспитани парасси çине те пысăк тимлĕх уйăратпăр. Пирĕн çакăн пек электроннăй базăсем пур: "Консультант Плюс" (нормативлă право докуменчĕсем), "Пирĕн ачасен прависем", электронлă справочник" "Чăваш Енри вĕрентỹ заведенийĕсем". Çавăн пекех библиотекăра çемьесен, ачасен проблемисемпе çыхăннă право докуменчĕсемпе те паллашма пулать.

Первоисточник: "Каçал Ен"