Культура ĕçченĕсен районти профсоюз организацийĕ 5 пуçламăш организацие пĕрлештерсе тăрать. Унта 178 член. Йыш пысăк мар. Анчах та шăпах вĕсем районти халăха савăнăç, юрă-ташă парнелеççĕ, çынсен культура шайне ỹстерес енĕпе ĕçлеççĕ. Республика шайĕнчи конкурс-сенче, фестивальсенче малти вырăнсене йышăнаççĕ. Вĕсен ĕç укçи Раççей, республика "çăлтăрĕсеннинчен" чылай пĕчĕк пулин те, культура ĕçченĕсем, художество пултарулăх коллективĕсем сцена çинче артистсенчен пĕрре те кая мар тесех калас килет. Районти, ялти клубсемпе культура çурчĕсенче вăй хуракансем халăха та культура пурнăçне явăçтараççĕ. Çак кунсенче иртнĕ культура ĕçченĕсен районти профсоюз организацийĕн 14-мĕш конференцийĕнче делегатсем хăйсен умĕнчи йывăрлăхсем, татса паман ыйтусем пирки калаçрĕç. Сывă пурнăç йĕркине тытса пырас, ĕçри дисциплинăна çирĕплетес енĕпе профсоюзăн ĕçне вăйлатмаллине палăртрĕç. Культура ĕçченĕсен профсоюз организацийĕн райкомĕн председателĕ М.В.Мокеева анлă доклад туса пачĕ. Вăл районти культура ĕçченĕсем чăннипех те республика шайĕнче те палăрса тăнине пĕлтерчĕ. Район администрацийĕн культура пайĕ тата культура ĕçченĕсен профсоюз райкомĕ çулталăкри пĕр уява та, юбилее те, паллă саманта та хăйсен куçĕнчен вĕçертмен. Клуб учреждени-йĕсем, библиотекăсем, искусство шкулĕ тăтăшах тĕрлĕ мероприятисем ирттернĕ, унта халăха хутшăнтарнă. "Каçал ен" хаçат редакцийĕ те тăтăшах район пурнăçĕн паллă саманчĕсем пирки çырсах тăнă. Ревизи комиссийĕн членĕн А.Волкован докладне итлетĕн те, профсоюз членĕсем хывакан çулталăкри взнос виçи ытла та пĕчĕк пулнине туятăн. Унпа мĕнех курăмлă ĕç тăвайăн( Пĕр-пĕр пысăкрах пуçлăхăн ĕç укçийĕ чухлĕ те çук-çке. Çакă культура, редакци ĕçченĕсен ĕç укçи пĕчĕк пулнине çирĕплетет. Çапах та вăл укçа-тенкĕпе те пĕлсе, усăллă тыткаланă. Юбилярсене саламлама та манман, мероприятисем ирттерме те укçа-тенкĕ уйăрнă. Конференцире А.Кокшина, В.Михайлов, Т.Муравьева тата ытти делегатсем сăмах каларĕç. Вĕсем хăйсен коллективĕнче ĕçлекенсен сывлăхне çирĕплетес тĕлĕшпе тăвакан мероприятисем пирки асăнчĕç. Район администрацийĕн культура пайĕн начальникĕ В.Васильев культура ĕçченĕсен тĕллевĕсем пирки чарăнса тăчĕ, профсоюз райкомĕн, пуçламăш организацисен комитечĕсен хăйсен ĕçне вăйлатмаллине палăртрĕ. Республикăри культура ĕçченĕсен рескомĕн представителĕ В.М.Яковлева ĕç законодательствинчи çĕнĕ-лĕхсемпе паллаштарчĕ, сиенлĕ ĕç вырăнĕсенче вăй хуракансем пирки тимлĕх уйăрас ыйту çинче чарăнса тăчĕ. "Коллективлă договорсем "вилĕ" грузсем пулмалла мар. Ăна профсоюз комитечĕсен чле-нĕсен уçкаласа пăхмалла, ор-ганизацисен, учрежденисен, администрацисен ертỹçисем унта çырнине пурнăçламаннине курсан вĕсене асăрхаттармалла. Профсоюз чăннипех те ĕçлекенсене хỹтĕлетĕр",_ терĕ вăл. Культура ĕçченĕсен профсоюз райкомĕн ĕçне делегатсем "лайăх" хак пачĕç. Малалла та ăна ертсе пыма М.В.Мокеевăнах суйларĕç. .

Первоисточник: "Каçал Ен"