Çĕнĕ Шупашкарта алă вăйĕпе çапăçас енĕпе Чăваш Республикин уçă чемпионачĕ иртнĕ. Унта хамăр тăрăхри спортсменсемпе пĕрлех Ульяновск, Йошкар-Ола, Тольятти хулисенчен килнисем те вăй виçнĕ. Пирĕн районти Тукай Мишер вăтам шкулĕнче вĕренекенсем те (тренерĕ Н.Зарипов) çак ăмăртура çухалса кайман. 39 килограмм таранчченхи виçере тупăшса Р.Зайнуллин чемпион ятне çĕнсе илнĕ. Укçан парнене тата фотоаппарата тивĕçнĕ. И.Зарипов хăйĕн виçинче 4-мĕш вырăн йышăннă. Чемпион хатĕрленĕшĕн Н.Зарипов тренер та ятарлă диплома тивĕçнĕ.

Первоисточник: "Каçал Ен"