Республикăри сывлăха сыхлакансен профсоюзĕ йĕркеленипе нумаях пулмасть Красноармейскинче йĕлтĕрпе чупас енĕпе ăмăртусем иртрĕç. Кунта мĕнпурĕ 15 команда хутшăнчĕ. Пирĕн район больницин арçынсен командинче А.Самаркин, А.Горбунов, Н.Волков пулчĕç. Вĕсем ăмăртăва лайăх кăтартусемпе вĕçлерĕç. Хĕрарăмсем вара тата та пултаруллăрах пулчĕç, республикăри командăсем хушшинче пĕрремĕш вырăна çĕнсе илчĕç. Н.Волкова, О.Павлова, Э.Земскова, Г.Гаврилова, Л.Зверева фельдшерсемпе санитаркăсем йĕлтĕр çинче чăнах та çирĕп тăраççĕ. Сывлăх сыхлавĕнче çеç мар, спортра та пултаруллă пирĕн хĕрарăмсем. Командăна Хисеп грамотипе, хаклă парнепе чысларĕç.

Первоисточник: "Каçал Ен"