Район администрацийĕ çирĕплетнĕ график тăрăх ялсенче граждансен пухăвĕсем иртеççĕ. Район администрацийĕн пуçлăхĕ Г.Волков ертсе пыракан ушкăн мартăн 2-мĕшĕнче Кивĕ Сĕнтĕр, Нĕркеç ялĕсенче пулса халăхпа тĕл пулса калаçрĕ. Ял администрацийĕн пуçлăхĕсем отчет туса параççĕ. Б.М.Каринкин ушкăнĕ Аслă Чурачăк ялĕнче пулчĕ. Кунта Чĕчкен ялĕн çыннисем те хутшăнчĕç. Ял çыннисем кăçал газ кĕртсе пĕтерме пулăшнăшăн район администрацине тав тăваççĕ. Акă, сăмахран, Кивĕ Сĕнтĕрте 100 килте "сенкер çулăм" çунать. Тата тĕрлĕ сăлтавсене пула 5 кил çеç юлнă. Часах ялсене шыв кĕртме тытăнмалла. Проектсем тума пуçлаççĕ. Çак уйăхрах ытти ялсенче те пухусем иртмелле.

Первоисточник: "Каçал Ен"