Районти культура çуртĕн-че Пĕтĕм тĕнчери хĕрарăмсен кунĕ - мартăн 8-мĕшĕ ячĕпе савăнăçлă пуху пулчĕ. Унта пухăннисене район администрацийĕн ĕçĕсене пурнăçлаканĕ Ю.В.Скворцов, районти хĕрарăмсен совечĕн членĕ Н.Розова уяв ячĕпе саламларĕç, ырлăх-сывлăх, телей, ĕçре ỹсĕмсем сунчĕç. Юрий Всеволодовичпа районти социаллă хỹтлĕх пайĕн заведующийĕ И.А.Никитина Аслă Отечественнăй вăрçă çулĕсенче тылра ырми-канми ĕçленĕ нумай хĕрарăма "Çĕнтерĕве- 60 çул" юбилей медалĕсем пачĕç, çак ятпа ăшшăн саламларĕç. "Каçал" фольклор ушкăнĕ концерт лартса пачĕ. Куракансем вĕсен юрри-ташшине, Елена Воронова хĕрарăм çинчен хăй çырнă сăвăсем вуланине ăшшăн йышăнчĕç, тăвăллăн алă çупса тав турĕç.

Первоисточник: "Каçал Ен"