Çĕнĕ Шупашкар ху линче мартăн 18-мĕшĕнче балетмейстер-постановщиксен "Веселый башмачок" республикăри конкурсĕ иртнĕ. Унта "Халăх ташши" номинацире Комсомольски ачасен искусство шкулĕнчи кĕçĕннисен ушкăнĕ пĕрремĕш вырăн йышăннă. "Халăх стилистики" номинацире те комсомольскисемех çĕнтерỹçĕ пулнă. Вăтаммисен ушкăнĕ пĕрремĕш, аслă ушкăн виççĕмĕш вырăн йышăннă. Вĕсене пурне те Татьяна Иванова ăста хореограф ертсе пырать. Аслă ушкăнсен хушшинче "Халăх ташши" номинацире Лариса Григорьева хатĕрлентерекен вăтам ушкăн иккĕмĕш вырăна тивĕçнĕ. Маттур ташăçăсем ỹсеççĕ Комсомольскинче. Вĕсем пĕр конкурсрах "ылтăн" та, "кĕмĕл" те, "пăхăр" та çĕнсе илнĕ. Çакă Татьяна Ивановăпа Лариса Григорьева хореограф-балетмейстерсем чунне парса хăйсен ăсталăхне ачасем патне çитерме пултарнинчен те килет ĕнтĕ. Ачасем чăннипех те пултаруллă. Конкурса хутшăнма май туса панăшăн искусство шкулĕ район администрацийĕн вĕрентỹ управленине (автобуспа тивĕçтернĕшĕн), ашшĕ-амăшĕсене пуриншĕн те тав тăвать. .

Первоисточник: "Каçал Ен"