Нумаях пулмасть Урмаел ялне районти 8 волейбол команди килсе çитрĕ. Ăмăртусене Аслă Çĕнтерỹ пулнăранпа 60 çул çитнине халалланă. Часах хĕрỹ тупăшусем пуçланчĕç. Яланхи пекех, нĕркеçсен команди пĕрремĕш вырăна çĕнсе илчĕ. Мала тухнисене Ильгизпа Зуфар Шакуров предпринимательсем телевизор пачĕç. Иккĕмĕш вырăна "Динамо" команда йышăнчĕ. Вĕсене Рустем, Шамиль, Камиль Ахметов предпринимательсем журнал сĕтелĕ парнелерĕç. Виççĕмĕшсем урмаелсем пулчĕç. Вĕсем те призсăр юлмарĕç. "Таныш" пасар хуçи М.Хаертдинов футбол мечĕкĕсем илсе килнĕ. Çакăн пек спонсорсем пулни спортсменсене хавхалантарать, спорта аталантарма пулăшать. Ăмăртусене Комсомольски пĕрремĕш тата иккĕмĕш, Аслă Чурачăк вăтам шкулĕсен, Урмаел çамрăкĕсен командисем те хутшăнчĕç. Вĕсем те япăх мар вылярĕç. Юлашкинчен художествăлла пултарулăх коллективĕсем концерт лартса пачĕç.

Первоисточник: "Каçал Ен"