Аслă Çĕнтерỹ 60 çул тултарнă ятпа Комсомольски 1-мĕш вăтам шкулĕнче тĕрлĕ мероприятисем иртеççĕ. Акă, 7-мĕш "а" класра В.Ката-евăн "Полк ывăлĕ" повеçĕпе вулав конференцийĕ иртрĕ. Мероприятие çиччĕмĕшсен класс руководителĕ, вырăс чĕлхипе литература учителĕ Н.И.Воробьева уçрĕ, Аслă Отечественнăй вăрçă çулĕсем çинчен каласа пачĕ. Р.Н.Свистунова библиотекарь çак темăпах кĕнеке выставки йĕркеленĕ. Повесть тăрăх ыйтусем хатĕрленĕ. Ачасем вĕсем çине тĕрĕс хуравлама тăрăшрĕç. П.Лещевпа Д.Ямалиев вĕренекенсем повеçри сценкăсене выляса кăтартрĕç. Уйрăмах пурне те Ваня Солнцев фронтри арçын ачапа калаçнине интересленсе итлерĕç. 

Первоисточник: "Каçал Ен"