Зинаида Николаевна Григорьева 37 çул Йăлмахвари библиотекăра ĕçлет. Шаннă çĕрте тỹрĕ чунпа тăрăшать, ĕçĕпе районта та, республикăра та палăрнă. Çак кунсенче хастар библиотекаре 55 çул тултарнă ятпа районти тĕслĕх библиотекăра савăнăçлăн чысларĕç. Çак мероприятие Альбина Ефремовăпа Любовь Мукшина библиотекарьсем йĕркелесе ертсе пычĕç, Зинаида Николаевнăн пурнăçĕпе, ĕçĕ-хĕлĕпе паллаштарчĕç. Юбиляра паллă кун ячĕпе саламлакансем чылайăн пулчĕç. Мăшăрĕ В.Григорьев, районти культура пайĕн начальникĕ В.Васильев, культура работникĕсен профсоюз райкомĕн председателĕ М.Мокеева, ача-пăча библиотекинчи Л.Сафиуллина библиотекарь, Кайнлăк ял администрацийĕн пуçлăхĕ С.Журавлев, унти культработниксем- Ф.Тимофеев, Р.Смирнова, Г.Афанасьева, Хирти Сĕнтĕрти, Аслă Çĕрпỹелĕнчи О.Александрова, Г.Любимова библиотекарьсем тата ыттисем те З.Н.Григорьевăна ăшшăн саламларĕç, çирĕп сывлăх сунчĕç.

Первоисточник: "Каçал Ен"