ЧР Правительстви туберкулеза хирĕç кĕрешес енĕпе нумай тăрăшать. Çак чир чăннипех те обществăшăн пысăк хăрушлăх кăларса тăратма пултарать. Ăна хирĕç кĕрешессипе, чирлĕ çынсене вăхăтра тупса палăртассипе республикăри туберкулеза хирĕç кĕрешес енĕпе ĕçлекен учреждени тăтăшах ялсенче пулать. Çак уйăхра флюорографи кăларас тĕлĕшпе ĕçлекен ятарлă автомашина Шурут, Тукай, Анат Тимĕрчкасси, Чĕчкен ял администрацийĕсене çитнĕ. Унта пурăнакансене тỹлевсĕрех, вырăнтах флюорографи витĕр кăларнă.

Первоисточник: "Каçал Ен"