Педагогика коллективĕсем хушшинче тăтăшах спорт ăмăртăвĕсем иртеççĕ. Çак кунсенче вĕрентỹ ĕçченĕсем волейболла выляса тупăшнă. Хутăш командăсем хушшинче Хырхĕрри вăтам шкулĕн команди пĕрремĕш вырăн йышăннă. Иккĕмĕш тата виççĕмĕш вырăнсенче- Йỹç Шăхаль тата Кĕçĕн Каçал пĕтĕмĕшле пĕлỹ паракан тĕп шкулĕсенчи вĕрентекенсем. Арçын-учительсен командисем Комсомольски 2-мĕш вăтам шкулĕнче ăмăртнă. Хуçасем кунта чи маттуррисем пулнă. Вĕсем пĕрремĕш приза хăйсен аллинчен яман. Нĕркеçсем иккĕмĕш, Комсомольски 1-мĕш вăтам шкулĕн команди виççĕмĕш вырăнсене тухнă. Вĕрентỹ учрежденийĕсенче ĕçлекен хĕр-арăмсенчен Комсомольски 1-мĕш вăтам шкулĕн команди пултарулăхпа палăрнă. Тăманлă Выçли вăтам шкулĕнче ĕçлекенсем волейбол енĕ-пе районта иртекен пур ăмăртусенче те палăраççĕ. Кăçал вĕсем иккĕмĕш вырăн йышăннă. Шурут вăтам шкулĕнчи хĕрарăмсем виççĕмĕш вырăн çĕнсе илнĕ. Çĕнтерỹçĕсене районти вĕрентỹ управленийĕ Хисеп грамотисемпе тата хаклă парнесемпе наградăланă.

Первоисточник: "Каçал Ен"