Сухаламан çĕрсемпе ĕçлес тĕллевлĕ машина тата технологи станцийĕ тăвас ыйту республикăра темиçе çул каяллах хускалнă. Нумаях пулмасть çак ыйтупа районта канашлу иртнĕ. Унта "Çĕрулмие мухтав" агрофирма ООО тата "Комсомольскинчи сельхозтехника" УАО никĕсĕ çинче йывăрлăха кĕрсе ỹкнĕ темиçе хуçалăх çĕрĕсемпе ĕçлеме çавăн пек станци туса хурасси çинчен йышăну кăларнă. Вĕсем сухаланмасăр, акăнмасăр выртакан çĕрсемпе ĕçлеме тĕллев тытнă. Унта çĕрулми, пĕрчĕллĕ тата пăрçа йышши тырăсем туса илесшĕн. Çав вăхăтрах ытти ялхуçалăх предприятийĕсене те пулăшу парасшăн.

Первоисточник: "Каçал Ен"