Апрелĕн 13-мĕшĕнче ял хуçалăхĕнче ĕçлекенсен профсоюзĕн районти отчетпа суйлав V конференцийĕ пулса иртрĕ. Конференцире отчетлă докладпа профсоюз райкомĕн председателĕ Ю.С.Тимофеев тухса калаçрĕ. Профсоюз райкомĕн ревизи комиссийĕн председателĕ И.И.Орлова ревизи комиссийĕн ĕçĕ пирки отчет турĕ. Отчетсем хыççăн ялхуçалăх управленийĕн начальникĕн заместителĕ, районăн тĕп агрономĕ И.Х.Минетуллин, "Тăманлă Выçлири кирпĕч завочĕ" УАОн, "Заря", "Дружба" хуçалăхсен, "Агропромхими" УАОн профком председателĕсем Р.Н.Потапова, Г.М.Мурзаева, Е.Е.Иванов, Ю.Ю.Атласкина тухса калаçрĕç. Конференци хыççăн организациллĕ пленум иртрĕ. Ял хуçалăхĕнче ĕçлекенсен районти профсоюз комитечĕн председательне Ю.С.Тимофеева тепĕр хут суйларĕç. Пленум ĕçне республикăри АПК профсоюзĕн председателĕн заместителĕ А.В. Смирнов, район администрацийĕн пуçлăхĕн заместителĕ Н.А.Максимов хутшăнчĕç. А.В. Смирнов тухса калаçрĕ. Ю.С. Тимофеева "Раççейри профсоюзсене 100 çул" медальпе наградăланă. Ку медале Никама пăхăнман профсоюзсен Раççейри организацийĕ тунă. Çавăн пекех 3 çынна республикăри, 4 çынна районти профсоюз комитечĕсен Хисеп грамотисемпе чысларĕç, Тав çырăвĕсем пачĕç. Юлашкинчен профсоюз райкомĕн, ревизи комиссийĕн членĕсене, республикăри профсоюзсен конференцине кайма делегатсем суйларĕç. Конференци ĕçлĕ лару-тăрура, çỹллĕ шайра иртрĕ. 

Первоисточник: "Каçал Ен"