Нумаях пулмасть районта Министерство кунĕ иртнĕ. Пирĕн тăрăха ЧР физкультурăпа спорт министрĕ В.Краснов хăй килсе çитнĕ. Вăл Комсомольски 2-мĕш вăтам, Александровка пĕтĕмĕшле пĕлỹ паракан шкулĕсенче пулнă, ачасемпе çамрăксен район центрĕнчи спорт шкулĕн пурлăх никĕсĕ мĕнле пулнипе паллашнă. Вячеслав Михайлович тата ĕçлĕ ушкăн "Слава" ял хуçалăх кооперативне çитсе курнă, çак тăрăхран чемпионсем чылай тухнине палăртнă. Халăхпа тĕл пулса калаçнă май министр сывă пурнăç йĕркине тытса пырас ыйтусене хускатнă. Сывлăхлă çын çеç обществăшăн кирлĕ. Çак шухăш тĕп вырăнта тăнă.

Первоисточник: "Каçал Ен"