"Çĕнтерỹ умĕн 60 ырă ĕç" акцие халалласа Хирти Явăш вăтам шкулĕнче литературăлла кафе ĕçлерĕ. "Чăваш ен чечекĕсем" фестивалĕн зонăри турĕсен çĕнтерỹçисем, илемлĕ вулакансем те хастар хутшăнчĕç. Калаçу теми- "Тепĕр хут вăрçă çинчен". Асăну кăвайчĕ умĕнче Çĕнтерỹ 60 çул тултарнине халалласа чăвашла тата вырăсла çырнă сочиненисем вуларĕç, сăвăсем те пулчĕç унта. "Автор сăвви" номинацире С.Васильев, Т.Павлова, К.Комиссарова (5-мĕш класс), Р.Сатертдинов, А.Яковлева, Л.Мифтахова, В.Смирнов (7-мĕш класс) палăрчĕç. С.Легостин такмаксемпе савăнтарчĕ. 8-мĕш класра вĕренекен Л.Васильева А.Артемьевăн "Салтак амăшĕ" монологне вуларĕ, О.Аполонова Ю.Скворцовăн "Уках хурăнĕ" повеçĕ тăрăх композици кăтартрĕ. О.Васильева репертуара "От имени земли" сăвăпа пуянлатрĕ.

Первоисточник: "Каçал Ен"