Районти ял хуçалăх кооперативĕсемпе колхозсенче уй-хир ĕçĕсем вăй илсех пыраççĕ. Хăшпĕр хуçалăхсенче пĕрчĕллĕ тата пăрçа йышши культурăсене акса та пĕтернĕ.  Районти АРИС служба пĕлтернĕ тăрăх, пĕрчĕллĕ тата пăрçа йышши тырăсем 6852 гектар çине акнă. Вăл шутран -3071 гектар çурхи тулă, 258 гектар пăрçа, 2832 гектар урпа, 691 гектар сĕлĕ.  5084 гектар нумай çул ỹсекен курăксене, 1314 гектар кĕр тыррисене сỹреленĕ.  "Слава" (75 гектар), "Урожай"(105 гектар), "Çĕрулмине мухтав" ООО "агрофирма" (200 гектар), "Луч" (57 гектар) хуçалăхсенче çĕрулми лартас ĕç аван пырать. Çавăн пекех çак ĕçе "Искра", "Асаново", "Рассвет" тата ытти хуçалăхсенче пуçланă.  Çураки районта малалла пырать. Хуçалăхсем тырпул, выльăх кăшманĕ акаççĕ, "иккĕмĕш çăкăр" лартаççĕ.

Первоисточник: "Каçал Ен"