Кăçалхи 4 уйăхра районти ял хуçалăх кооперативĕсемпе колхозсем 4355 центнер аш-какай туса илнĕ. "Кызыл сабанча", "Красный маяк", "Асаново" кооперативсенче, "Госсорткомиссия" хуçалăхра çак енĕпе ăнăçлă ĕçленĕ. Шел пулин те, районти кăтарту пĕлтĕрхи шайăн 87,1 проценчĕ чухлĕ анчах. Ку выльăх-чĕрлĕх шучĕ чакнипе çыхăннă. i Хуçалăхсем 24546 центнер е пĕлтĕрхинчен 7 процент сахалрах, сĕт туса илнĕ. "Слава", "Искра", "Луч", "Урожай", "Правда", "Красное Сормово", "Кызыл сабанча" хуçалăхсенче сĕт калăпăшĕ иртнĕ çулхинчен ỹснĕ.  Сĕт-çу фермисем кашни ĕнерен 1105 килограмм сĕт суса илнĕ. Пĕлтĕрхи çак вăхăтринчен 23 килограмм сахалрах. Сăвăм "Рассвет" (1858,7 килограмм), "Луч" (1613 килограмм), "Слава"(1453,5 килограмм) хуçалăхсенче лайăх. Çав вăхăтрах "Красный маяк", "Культура", "Алга", "Победа", "Дубрава" хуçалăхсенче ĕнесем 393_490-шер килограмм анчах сĕт антарнă.  100 гектар çĕр пуçне 16,2 центнер аш-какай, 91,6 центнер сĕт туса илнĕ. Ку кăтартусем те пĕлтĕрхинчен пĕчĕкрех. Халăхран сĕт пуçтарасси те чакнă. Енчен те 2004 çулта 13168 центнер сĕт туяннă пулсан, кăçал 12371 центнер анчах. Халăхран сĕт пуçтарас енĕпе яланхи пекех "Асаново", "Труд", "Луч", "Урожай" хуçалăхсем палăрса тăраççĕ. Унта 2385-1843 центнер сĕт пухнă. i Выльăхсен ỹтхушаслăхĕ те кăçалхи 4 уйăхра пĕчĕк. Мăйракаллă шултра выльăхсем талăксерен 452-шер грамм, иртнĕ çулхи çак вăхăтринчен 14 грамм сахалрах ỹт хушса пынă. "Слава", "Луч" хуçалăхсенче ку кăтарту 600 ытла грампа танлашать пулсан, "Дубрава", "Красный Октябрь" хуçалăхсенче 250-150 грамм анчах. i "Победа" ял хуçалăх кооперативĕнче сы-снасене çитермеççĕ те тейĕн. Кунти выльăхсен талăкри ỹтхушаслăхĕ 42 грампа кăна танлашать. Çак вăхăтрах "Рассвет" ял хуçалăх кооперативĕнче вăл кăтарту 298 грамм, "Слава" хуçалăхра 395 грамм. 7-8 хут пысăкрах.  Выльăхсен вилеслĕхĕ те иртнĕ çулхинчен пысăкланнă. Мăйракаллă шултра выльăх 79 пуç, сыснасем 172 пуç пурнăçран уйрăлнă. Ку енĕпе "Урожай", "Дружба", "Госсорткомиссия" хуçалăхсен кăтартăвĕсем пысăк. Хуçалăхсенче çулсеренех выльăх-чĕрлĕх шучĕ чакса пырать. Пĕлтĕрхи çак вăхăтрипе танлаштарсан, мăйракаллă шултра выльăх йышĕ 602 пуç сахалланнă. Май уйăхĕ тĕлне районти пĕрлешỹллĕ хуçалăхсенче 7480 пуç çеç ĕне выльăх пур. Сĕт тупăшлă продукци тетпĕр пулин те, ĕнесем те сахалланаççĕ. 2238 пуç е пĕлтĕрхи çак вăхăтринчен 95 пуç сахалрах тытаççĕ. "Красный Октябрь" хуçалăхра пĕлтĕрхи 65 ĕнерен 2 пуç анчах юлнă. "Культура" кооператив та çуррине яхăн чакарнă. Паянхи кун тĕлне районти 15 хуçалăхра çеç сыснасем тытаççĕ. "Красный Октябрь" тата "Культура" хуçалăхсенче 20-15 пуç кăна юлнă. Районĕпе майăн 1-мĕшĕ тĕлне 4691 пуç сысна çеç юлнă. 2004 çулхи йышран 2803 пуç чакнă. i Районти пĕрлешỹллĕ хуçалăхсенче 40 пуç сурăх, 667 пуç лаша (вĕсен йышĕ 130 пуç чакнă) тытаççĕ. Районĕпе ял хуçалăх кооперативĕсемпе колхозсенче 961 пуç пăру илнĕ. Ку енĕпе "Труд", "Госсорткомиссия" хуçалăхсем палăрса тăраççĕ. Çура илес енĕпе "Госсорткомиссия", "Луч" хуçалăхсен кăтартăвĕсем лайăх. Тиха пĕлтĕрхинчен 3 пуç ытларах илнĕ.

Первоисточник: "Каçал Ен"