"Мишар" тутар фольклорпа эстрада ансамблĕ тата чăваш артисчĕсем Санкт-Петербург, Мурманск, Североморск хулисене гастроле тухса кайни çинчен пĕлтернĕччĕ ĕнтĕ. Çулçỹреврен таврăннă чухне вĕсем Мускав хулинче пысăк концерт кăтартнă. Тĕп хулара тухса тăракан РФ тутарĕсен "Татарские новости" хаçатĕнче концерт пирки ырласа çырнă статья тухнă. Çакă çỹлерех асăннă ансамбль концерчĕ мускавсене килĕшнине туллин çирĕплетет. Ку çеç те мар, вĕсене тĕп хулара иртекен тутарсен Сабантуйне те йыхравланă. Халĕ ку коллектив пикенсех çĕршыври тутарсен пысăк уявне хатĕрленет. Çĕнĕ юрă-ташăпа вĕсем Мускаври сцена çине тухĕç. Яланхи пекех, "Мишар" ансамбль çĕршыв шайĕнче те палăрасса шанас килет.

Первоисточник: "Каçал Ен"