Çак кунсенче тутар чĕлхипе литературине вĕрентекенсем, тутар шкулĕсен директорĕсем Тутарстан Республикинчи Кайпăç районĕнчи Вăрăм Терпит вăтам шкулĕнче икĕ республика хушшинче иртекен семинарта пулчĕç. Пирваях Вăрăм Терпит вăтам шкулĕпе паллашрĕç. 5-мĕш класра "Сăмах тытăмĕ" темăпа, 9-мĕшĕнче _ "Класс тулашĕнчи вулав" урок-конференцире пулса тутар халăхĕн паллă сăвăçин Фанис Яруллинăн пултарулăхĕ пирки мультимедиапа усă курнă урокра пулчĕç. Уçă уроксем çỹллĕ шайра иртрĕç, кунти учительсенчен çĕнĕлле ĕçлеме вĕренмелли нумай пулчĕ. Уйрăмах 5-мĕш класра вĕренекенсем компьютерпа ăста ĕçлеме пултарни тĕлĕнтерчĕ. Шкулта кĕçĕн классене те ятарлă график тăрăх компьютерпа ĕçлеме хăнăхтараççĕ иккен. Семинарăн иккĕмĕш пайĕнче вĕрентекенсем Тутарстан Республикин вĕрентỹ министрĕпе Р.Ф.Шайхелисламовпа паллашрĕç. Рамис Фалихович икĕ республика хушшинчи туслăх çулсерен çирĕпленни вĕрентỹпе воспитани ĕçĕнче çĕнĕлĕхсемпе усă курма май пани, çавăнпа та çакăн пек хутшăнусем кирли çинчен каларĕ. Чăваш Республикинчи тутарсен обществăлла центрĕн ертỹçи, Комсомольскинчи искусство шкулĕн директорĕ Ф.А.Гибатдинов районти тутар шкулĕсенче вĕренекенсемпе, вĕрентекенсемпе, вĕсен ĕçĕ-хĕлĕпе паллаштарчĕ.

Первоисточник: "Каçал Ен"