Майăн 27-29-мĕшĕсенче Вăрнар тăрăхĕнче çамрăк туристсем, экологсемпе таврапĕлỹçĕсем республикăри слета пухăннă. Пирĕн районтан унта Шурут тата Тăманлă Выçли вăтам шкулĕсенчи çамрăк туристсем, Александровка тĕп шкулĕнчи экологсем, ачасене хушма пĕлỹ паракан центрăн воспитанникĕсем хутшăннă. Уйрăмах "Челолепы" команда палăрнă, "Экологи сукмакĕ тăвасси" конкурсра виççĕмĕш вырăна тивĕçнĕ. "Спортивное ориентирование" тупăшура Татьяна Воробьева III вырăн йышăннă. Пĕтĕмлетỹсем тăрăх, "Челолепы" команда тăваттăмĕш вырăна тухнă. Республика шайĕнче ку аван кăтарту. Туристсем те савăнтараççĕ, "Спортивное ориентирование" дистанцире вĕсем те виççĕмĕш пулнă. Ачасем ЧР Вĕрентỹ тата çамрăксен политикин министерствин, ачасемпе çамрăксен "Эткер" туризмпа экскурсисен çур-чĕн Дипломĕсемпе парнисене тивĕçнĕ.

Первоисточник: "Каçал Ен"