Районти хуçалăхсенче тин кăна çĕрулми лартса пĕтернĕччĕ. Паян пур çĕрте те йăрансене кăпкалатас ĕç хĕрсе пырать. "Иккĕмĕш çăкăр" лаптăкĕ 1534 гектар йышăнать, июнĕн 2-мĕшĕ тĕлне 700 гектар çинче йăран хушшине çырнă. Ку ĕçе "Слава", "Дружба", "Асаново", "Урожай", "Пайгас", "Правда", "Рассвет" хуçалăхсенче пĕрремĕш хут вĕçленĕ те ĕнтĕ. "Слава картофелю" агрофирмăра та 300 гектартан 100 гектарĕ çинче çак ĕçе пурнăçланă.  Кооперативсем хура пусă çинче те ĕçлеççĕ, культиваци тăваççĕ.  Уй-хир культурисене çумкурăкран хỹтĕлес ĕç пырать. Тырăсен 3248 гектарĕ çине гербицид сапнă. Ку ĕçе çĕрулмин 57 гектарĕ, сахăр кăшманĕн 307 гектарĕ, выльăх кăшманĕн 90 гектарĕ, пахчаçимĕçĕн 12 гектарĕ çинче пурнăçланă. Ỹсентăрансене химилле майпа хỹтĕлесси те ултă хуçалăхра пуçланнă, 287 гектар çинче имçам сапнă. "Слава" кооператив ку ĕçе 100 гектар çинче пурнăçланă.  Виçĕ хуçалăхра ("Восток", "Труд", "Дружба") 112 гектар çинче кукуруза акнă.

Первоисточник: "Каçал Ен"