Асанкасси вăтам шкулĕнчи ирĕклĕ майпа кĕрешекен спортсменсем районти ăмăртусенче çеç мар, республикăра та пĕрре мар малти вырăнсене йышăнаççĕ. Çак кунсенче асăннă шкулти Ольга Денисова Ижевск хулинчен таврăннă. Унта Раççейĕн çуллахи иккĕмĕш спартакиадин шучĕпе ăмăртусем иртнĕ. 49 килограмлă кĕрешỹçĕсем хушшинче тупăшса Ольга кĕмĕл медаль çĕнсе илнĕ. Халĕ пултаруллă хĕрача Челябинск хулинче иртекен ачасен çуллахи иккĕмĕш спартакиадине хутшăнма хатĕрленет. Ăна ăнăçу сунар!

Первоисточник: "Каçал Ен"