Район администрацийĕ тата "Местный" Медиа-Холдинг килĕштерсе ĕçлесси пирки алă пусĕç. Пирĕн район тата "Местное телевидение", "Канал 5 плюс" телеканалсем, "Местное радио" радиостанци, "МК в Чебоксарах" хаçат, "Рекламное агентство Волга Эл-Пресс", "Линк Медиа" ООО малашне халăха информаципе тивĕçтерес енĕпе килĕштерсе ĕçлес кăмăллă. Май уйăхĕн вĕçĕнче Медиа-Холдинг ĕçченĕсем, В.Быков ертсе пынипе (вăл проект координаторĕ), "Слава картофелю", "Труд", "Рассвет" хуçалăхсенче, "Кооператор" производство комбинатĕнче, Аслă Чурачăкри социаллă-культурăллă центрта, Комсомольскинчи ача садĕнче, "Агрокабель" акционерлă обществăра пулса унта ĕçлекенсен пурнăçĕпе, ĕçĕ-хĕлĕпе паллашнă. Унти лару-тăрăва "Канал 5 плюс" каналăн çĕнĕ хыпарсен кăларăмĕнче кăтартнă.

Первоисточник: "Каçал Ен"