Выльăх апачĕ хатĕрлемелли вăхăт иртсе пырать пулсан та, районти хăшпĕр хуçалăхсем курăксене çулма васкани курăнмасть. Люцернăна тахçанах çулма тытăнмалла, анчах хальлĕхе чылай çĕрте хускану çук. Ăна пĕтĕмпе те 1000 гектар çеç çулнă, пухса кĕртмелли лаптăк- 4000 гектар. Выльăх апачĕ хатĕрлес ĕç "Слава" кооперативра аван пырать. Кунта 100 тонна паха утă хатĕрленĕ, 110 тонна сенаж хывнă. "Урожайра" та траншейăсенче 670 тонна сенаж пур. "Кызыл сабанча" фермер хуçалăхĕ выльăх апачĕ хатĕрлесси çине пысăк тимлĕх уйăрать- 500 тонна сенаж хатĕрлесе ĕлкĕрнĕ. Хуçалăхсем çĕрулми йăранĕсене кăпкалатас ĕçе вĕçленĕ. Ỹсентăрансен 6000 гектарне гербицидпа сапнă.

Первоисточник: "Каçал Ен"