Районти хуçалăхсенче выльăх апачĕ хатĕрлес ĕç анлăн сарăлса пырать. Çак вăхăт тĕлне районĕпе нумай çул ỹсекен курăксене 1500 гектар çинче çулнă. Ку енĕпе "Урожай" колхоз, "Слава", "Труд", "Асаново", "Искра" кооперативсем, "Кызыл сабанча", Минатуллин фермер хуçалăхĕсем уйрăмах пуçаруллă тăрăшаççĕ. Вĕсем ытти çулхисенчи пекех утă-сенажа пысăк пахалăхпа ха-тĕрлесси çине тимлĕх уйăраççĕ. "Слава" кооперативра 150 тонна утта склада вырнаçтарнă. Паянхи кун тĕлне "Труд", "Урожай" хуçалăхсенче 50-шар ытла тонна паха утă пур. Сенаж хывассипе "Урожай" колхоз паха тĕслĕх кăтартать. Кунта ăна траншейăсене 1000 тонна яхăн хывнă та ĕнтĕ. "Кызыл сабанчара" та 500 тонна ытла сенаж хатĕр-ленĕ. Анчах та курăксене çулмалли вăхăта тăсас марччĕ, пĕрремĕш хутне васкарах çулса пĕтересчĕ. Мĕншĕн тесен паха апат выльăх-чĕрлĕхе ăнăçлă хĕл каçарассинче пысăк вырăн йышăнать, унпах хуçалăх экономикине çи-рĕплетесси те тачă çыхăннă.

Первоисточник: "Каçал Ен"