Районта футбол вăййи чи анлă сарăлнă спорт енĕ. Вуншар çул пирĕн футболистсем республика шайĕнче палăрса тăраççĕ. Аслисем вырăнне çамрăксем килеççĕ. Акă, Чăваш Республикинче шкул ачисем хушшинче иртекен кăçалхи ăмăртăва "Орион" футбол команди хутшăнать. Вăл Комсомольски 1-мĕш тата 2-мĕш вăтам шкулĕсенче вĕренекенсенчен тăрать. Вĕсем ăмăртăвăн пĕрремĕш тапхăрне вĕçленĕ. Вăйăсенче пурĕ 14 очко пуçтарнă. Вăрнарти "Химик", Шăхасанти "Монтус", Тă- вайĕнчи "Дубрава", Патăрьелĕнчи "Темп" командăсенчен выляса илнĕ. Вăрнарти "Химик" тата Шăмăршăри "Тайфун" командăсемпе ирттернĕ вăйăсем никам та çĕнтерейменнипе вĕçленнĕ. Ачасем пурĕ 22 мечĕк тапса кĕртнĕ. Командăна А.Ф.Мамуткин тĕп тренер, В.А.Николаев тренер-судья хатĕрленĕ, ача-пăча спорт шкулĕн директорĕ А.В.Пундяков йĕркелесе пырать. Август пуçламăшĕнче ачасем иккĕмĕш çаврăмри вă-йăсенче тупăшĕç. Вĕсем çĕнтерỹшĕн кĕрешессе шанма пулать.

Первоисточник: "Каçал Ен"