Нумаях пулмасть районти культура пайĕн совечĕн черетлĕ ларăвĕ пулса иртрĕ. Унта ялсене симĕс сăн тата тирпей-илем кĕртес енĕпе ирттерекен республикăри смотр-конкурса культура учрежденийĕсем хутшăнасси пирки районти культура пайĕн начальникĕ В.С.Васильев тухса калаçрĕ. Социаллă сфера учрежденийĕсен, районти культура çурчĕн, "Çĕр тата çынсем" халăх музейĕн, тĕп библиотекăн, искусство шкулĕн территорийĕсене тирпей-илем кĕртесси, çурчĕсене юсасси пирки каларĕ. Культура учрежденийĕсен ертỹçисем ĕçлекенсене хушса тỹлес ыйтусем çинче чарăнса тăчĕç. Ларура культура пайĕн тĕп бухгалтерĕ В.В.Сивкина, специалисчĕ З.С.Мельникова, районти культура çурчĕн директорĕ В.Н.Григорьев, "Çĕр тата çынсем" халăх музейĕн заведующийĕ И.П.Ядрова, культура работникĕсен профсоюз райкомĕн председателĕ М.В.Мокеева, методика центрĕн заведующийĕ В.Н.Курицына тата ыттисем те тухса калаçрĕç.

Первоисточник: "Хыпар"