Район çыннисен пурнăçĕн ăнăçлăхĕ, социаллă-экономикăлла аталанăвĕ, ялсен сăн-сăпачĕн улшăнăвĕ, экологи, эстетика тата культура тĕлĕшпе йĕрке кĕртес енĕпе районта май-август уйăхĕсенче ятарлă смотр-конкурс ирттереççĕ. Унăн тĕллевĕ- кирек мĕнле харпăрлăхри организацин уйрăм çынсен хуçалăхĕсене, ялсене тирпей-илем, ешĕл сăн кĕртес ĕçре хавхалантарасси. Конкурс пилĕк енлĕ иртет: пĕрремĕшĕ- ялсене ешĕл сăн, тирпей-илем кĕртни, иккĕмĕшĕ- организацисен территорисене ешĕл сăн тата тирпей-илем кĕртесси, тасалăхшăн тăрăшасси, виççĕмĕшĕ- социаллă сферăри учрежденисенче çавăн евĕрлĕ ĕçсем туса ирттересси, тăваттăмĕшĕ- урамсене йĕркене кĕртесси, пиллĕкмĕшĕ -чечек лартнă вырăнсем тата кану кĕтесĕсем тăвасси. Конкурса тăратакан материалсене августăн 1-мĕшĕччен йышăнаççĕ. Çĕнтерỹçĕсене август вĕçĕнче чыслаççĕ.

Первоисточник: "Каçал Ен"