Комсомольскинчи "Çĕр тата çынсем" музейра Н.М.Лукиянов ỹнерçĕн картинисен куравĕ иртнĕ. Çĕр-çĕр çын унăн ĕçĕсене пăхса хакланă. Ỹнерçĕ ăсталăхĕ вĕсене килĕшнĕ. Николай Лукиянов Елчĕк тăрăхĕнче çуралса ỹснĕ, халĕ Патăрьелте пурăнать. Çавна май ку тавралăха лайăх пĕлет, ỹкерчĕксенче пĕтĕмпех тăван тăрăха сăнарлать. Ахальтен мар ĕнтĕ районти ỹнер шкулĕн директорĕ Ф.А.Гибатдинов шкул валли унăн темиçе ĕçне туянма кăмăл турĕ. Художникăн картинисене ентешĕсем те, ытти хула-ялтан та, Мускавран тата ют çĕршывсенчен те килсе туянаççĕ. 

Первоисточник: "Хыпар"