Районта вырма малалла пырать. Хальлĕхе районĕпе 355 гектар çинче пĕрчĕллĕ тата пăрçа йышши тырăсем çулнă. Тырпул хирĕсене районти 30 яхăн ял хуçалăх предприятийĕсенчен 13 хуçалăх тухнă. Атласкин фермер хуçалăхĕ 60 гектар, "Рассвет" тата "Восток" ял хуçалăх кооперативĕсем 40-шер гектар ытла тырпул вырнă. Хăшпĕр хуçалăхсем тырпула çапса тĕшĕлеççĕ. 5 хуçалăх 102 гектар кĕрхи тулă, "Труд", "Вос-ток", "Рассвет" хуçалăхсем пурĕ 35 гектар пăрçа çулнă. Август уйăхĕн иккĕмĕш çурринче кĕр тыррисем акмалла. Хуçалăхсем ун валли çĕр хатĕр-леме пуçланă. 20 ытла хуçалăхра çак ĕç пырать. Хальлĕхе 2250 гектар хатĕр çĕр пур. Выльăх апачĕ хатĕрлес енĕ-пе те ĕçсем малаллах пыраççĕ. Ял хуçалăх кооперативĕсемпе колхозсем пĕр çул ỹсекен курăксем хыççăн нумай çул ỹсекен курăксене иккĕмĕш хут çулма пуçланă. Районĕпе август пуçламăшĕ тĕлне 6216 тонна утă хатĕрленĕ. "Слава" ял хуçалăх кооперативĕнче 1350 тонна, "Урожай" колхозра тата Минатуллин хуçалăхĕнче 600-шар тонна ытла утă пур. Сенаж хатĕрлесси те чарăнман. Вăл районти пĕрлешỹллĕ хуçалăхсенче 22166 тонна пур. Ку енĕпе "Луч", "Урожай", "Пайгас", "Труд" хуçалăхсем лайăх ĕçленĕ. Август уйăхĕнче ял хуçалă-хĕнче ĕç нумай. Тырпула вырса çапмалла, тасатса кĕлете кĕртмелле, утă-улăм пуçтармалла, çĕр хатĕрлемелле, акмалла, çĕртме тумалла, ир пулакан çĕрулмине кăлармалла. Пур ĕçе асăнса та пĕтереймĕн. Вĕсене вăхăтра тата пахалăхлă туса ирттерес тесен хуçалăх ертỹçисемпе специалисчĕсен ĕçе пĕлсе йĕркелемелле, çынсене хавхалантарса ĕçе явăçтарма тăрăшмалла. Тепĕр чухне ĕçе вăхăтра туса ирттерменнипе тăкак нумай пулать.

Первоисточник: "Каçал Ен"