Районти ял хуçалăх кооперативĕсемпе колхозсем 11771 гектар çине пĕрчĕллĕ тата пăрçа йышши тырăсем акса хăварнă. Августăн 8-мĕшĕ тĕлне 1360 гектар çинчен вырнă. Ку вăл пĕтĕм лаптăкăн 11,6 проценчĕ чухлĕ пулать. Тырпул пуçтарас ĕç "Искра", "Кызыл сабанча", Минатуллин хуçалăхĕсенче лайăх пырать. 743 гектар çинчи тырпула çапса тĕшĕленĕ. Йĕтемсем çине 16950 центнер тырă кĕнĕ. Вăтамран тырă тухăçĕ кашни гектар пуçне 22,8 центнерпа танлашать. Выльăх апачĕ хатĕрлес енĕ-пе ĕçсем малалла пыраççĕ. Çỹлерех асăннă кун тĕлне 7160 тонна утă, 25452 тонна сенаж, 2950 тонна силос хатĕрленĕ. Яланхи пекех ку ĕçре "Рассвет", "Восток", "Урожай", "Асаново", "Труд" хуçалăхсем лайăх кăтартусемпе палăраççĕ. "Слава", Атласкин хуçалăхĕ, "Слава картофелю" агрофирма" ООО ир пулакан çĕрулми кăларма пуçланă. Хальлĕхе "иккĕмĕш çăкăра" районĕпе 43 гектар кăларнă. Тухăçĕ çỹлерех асăннă кун тĕлне кашни гектартан 257 центнерпа танлашать. Август уйăхĕнче кĕр тыррисем акмалла. Районти ял хуçалăх кооперативĕсемпе колхозсем августăн 8-мĕшĕ тĕлне кĕр тыррисем акма 2483 гектар çĕр хатĕрленĕ. Вăл енĕпе "Дружба", "Урожай", "Восток" хуçалăхсем лайăх ĕçлеççĕ. Уй-хир ĕçĕсем малалла пыраççĕ. Ял хуçалăх ĕçченĕсем тăрăшса вăй хураççĕ.

Первоисточник: "Каçал Ен"