Çăкăр завочĕн коллективĕ пысăк мар. Çак предприятире тăрăшуллă та хастар ĕçченсем вăй хураççĕ. Акă, кăçалхи çичĕ уйăхра заводăн пĕтĕмĕшле таварçаврăнăшĕ 7,8 миллион тенкĕпе танлашрĕ. Кунта 282 тонна çăкăрпа булка тата 14 тонна макарон, 65 тонна кондитер изделийĕсем хатĕрлесе кăларнă, 16,8 тонна пулă тăварласа магазинсене ăсатнă. Районти хатĕрлев пунктне Маргарита Долгова ертсе пыма тытăннăранпа нумаях та вăхăт иртмерĕ, çак организаци ура çине çирĕп тăчĕ, вăй илсе пырать. Кăçал кăна кунта район çыннисем валли 500 тонна яхăн комбикорм хатĕрленĕ. Халăхран 556 тонна сĕт, 42,5 тонна аш-какай, 486 тонна тырă сутăн илнĕ. Çапла вара çак организацин пĕтĕмĕшле таварçаврăнăшĕ 8,9 миллион тенке çитрĕ.

Первоисточник: "Каçал Ен"