Августăн 11-мĕшĕнче инвалидсене реабилитацилес программăпа Патăрьелĕнче художествăлла пултарулăх смотр-конкурсĕ пулса иртрĕ. Кунта Шăмăршă, Патăрьел, Елчĕк тата Комсомольски районĕсенче пурăнакан инвалидсем тупăшрĕç. Сăвă вулассипе район чысне А.Воробьев тата И.Албутова, юрă юрлассипе Т.Митюкова, купăс калассипе В.Орешкин хỹтĕлерĕç. А.Воробьев- Аслă Отечественнăй вăрçă ветеранĕ, 82 çулта. Конкурсра хăй çырнă сăвăсене вуласа пачĕ. Залра ларакансем унăн пултарулăхне тăвăллăн алă çупса хакларĕç. В.Орешкин вара пухăннисене чăваш юрри-ташшин кĕввисене купăспа ăста выляса тыткăна илчĕ. Т.Митюкова вырăс халăх юррисене куракансен чĕри-сене хускатмалла питĕ илемлĕн юрласа пачĕ. Жюри членĕсем вăл зонăри ăмăртусен çĕнтерỹçи пулнине çирĕплетрĕç, пĕрремĕш степеньлĕ Диплом тата укçан преми парса чысларĕç. Саламлатăп ăста артистсене, малашне хăйсен пултарулăхне татах та ỹстерсе пырасса шанатăп. 

Первоисточник: "Каçал Ен"