Районти ял хуçалăх кооперативĕсемпе колхозсенче хирсем пушансах пыраççĕ. Августăн 16-мĕшĕ тĕлне районĕпе 3960 гектар пĕрчĕллĕ тата пăрçа йышши тырăсем çулнă. Ку вăл пĕтĕм лаптăкăн 33,6 проценчĕ чухлĕ пулать. Вырма Минатуллин хуçалăхĕнче, "Искра" колхозра, "Кызыл сабанча" фермер хуçалăхĕнче, "Дубовка" ОООра лайăх пы-рать. Вырнă тыррăн 3357 гектарне çапса тĕшĕленĕ. Халь-лĕхе тырпул тухăçĕ кашни гектар пуçне 20,7 центнерпа танлашать. Тĕштырă тухăçĕ "Искра", "Труд" хуçалăхсенче, Минатуллин хуçалăхĕнче аван. Хальлĕхе районĕпе 1658 гектар çинчен улăма пуçтарса кĕртнĕ. Выльăх апачĕ хатĕрлес ĕçсем те малалла пыраççĕ. Августăн 16-мĕшĕ тĕлне ял хуçалăх кооперативĕсемпе колхозсенче 7712 тонна утă, 26329 тонна сенаж, 2996 тонна силос пур. Кĕр тыррисем акма 2694 гектар çĕр хатĕрленĕ, 649 гектар çĕртме тунă. 52 гектар çĕрулми кăларнă. "Иккĕмĕш çăкăр" тухăçĕ кашни гектар пуçне хальлĕхе 273 центнерпа танлашать. Уй-хирте ĕçсем малалла пыраççĕ.

Первоисточник: "Каçал Ен"