Физкультурниксен кунне августăн 20-мĕшне куçарни çинчен эпир пĕлтернĕччĕ. Стадионра çав кун тĕрлĕ спорт ăмăртăвĕсем иртрĕç. Спортсменсене район администрацийĕн пуçлăхĕ Г.Волков, "Кĕтне" ентешлĕх председателĕ В.Туркай ăшшăн саламласа спорт ăмăртăвĕсенче ăнăçу сунчĕç. Арçынсемпе арçын ачасем хушшинче 100 метрлă дистанцире чи лайăх вăхăт Эльпуç ял администрацийĕн спортсменĕ Р.Мансуров кăтартрĕ. Вăл чемпион ята тивĕçсе спорт уявĕн парнине илчĕ. Иккĕмĕш вырăн- Тукай ял администрацийĕнчен килнĕ Ю.Кузьминăн. Виççĕмĕш вырăнта каллех Эльпуç ял администрацийĕн çăмăл атлечĕ Ю.Демин. Унтан хĕрсемпе хĕрарăмсем, хĕрачасем çак дистанцирех хăйсен пултарулăхне кăтартрĕç. Чи çивĕччи Анат Тимĕрчкасси хĕрачи О.Ласточкина пулчĕ. Шурут хĕрĕ О.Андреева- иккĕмĕш, Кайнлăк ял администрацийĕн спортсменки М.Никитина виççĕмĕш вырăнсене йышăнчĕç. 1000 метрлă дистанцире арçынсем хушшинче Шурут ял администрацийĕн командинчи Е.Алексеев çĕнтерчĕ. А.Семенов(Хирти Сĕнтĕр ял администрацийĕ) иккĕмĕш призер пулса тăчĕ. Ю.Самарин (Тукай ял администрацийĕ) виççĕмĕш парнене çĕнсе илчĕ. Хĕрарăмсемпе хĕрачасем 800 метрлă дистанцире тупăшрĕç. Кунта вара шурутсем чи вăйлисем пулчĕç. С.Андреевăпа О.Андреева пĕрремĕшпе иккĕмĕш вырăнсене тивĕçрĕç. Анат Тимĕрчкасси ял администрацийĕн спортсменки О.Ласточкина виççĕмĕш вырăна çĕнсе илчĕ. Çак кун спорт ветеранĕсем те старта тухрĕç. 1000 метрлă дистанцире А.Унтин (Шурут) çĕнтерчĕ. А.Горбуновпа С.Зубарев(иккĕшĕ те Комсомольски) иккĕмĕшпе виççĕмĕш парнесене çĕнсе илчĕç. Тăршшĕне сикмелли площадкăра та хĕрỹ кĕрешỹсем пычĕç. Арçынсемпе арçын ачасем хушшинче А.Демин (Эльпуç) пĕрремĕш, В.Степанов (Шурут) иккĕмĕш, А.Платонов (Комсомольски) виççĕмĕш вырăнсене, уяв парнисене çĕнсе илчĕç. Хĕрарăмсемпе хĕрачасем хушшинчи ăмăртура М.Никитина (Кайнлăк ял администрацийĕ) чемпион ята тивĕçрĕ. О.Андреева (Шурут) иккĕмĕш, Л.Николаева(Анат Тимĕрчкасси) виççĕмĕш вырăнсене тухрĕç. Ял администрацийĕсен пуçлăхĕсем пневматикăлла винтовкăран перессипе ăмăртрĕç. Тукай ял администрацийĕн пуçлăхĕ П.Муллин чи тĕл перекенни пулчĕ, ыттисенчен нумайрах очко пуçтарса пĕрремĕш вырăн çĕнсе илчĕ. Иккĕмĕш вырăн _ Асанкасси ял администрацийĕн пуçлăхĕн Н.Филипповăн. Александровка ял администрацийĕн пуçлăхĕ В.Волков виççĕмĕш приза тивĕçрĕ. Пляж волейболĕн площадкинче те хĕрỹ тытăçусем пычĕç. В.Маркеевпа Р.Ибрагимов №Комсомоль-ски№ финала тухса пĕрремĕш вырăн çĕнсе илчĕç. Ф.Мамуткинпа ывăлĕ А.Мамуткин №Комсомольски№ иккĕмĕш вырăна юлчĕç. Шурут ял спортсменĕсен А.Ложковпа А.Корниловăн _ виççĕмĕш вырăн. Физкультурниксен кунне халалланă уявра шашка вăййине юратакансем те çивĕч кĕрешỹсене хутшăнчĕç. Хĕрарăмсем хушшинче Н.Степанова чи пултарулли пулчĕ. Арçынсем хушшинче вара шашка хăми çинче Н.Индюков(Комсомольски) чи ăста выляканни пулчĕ. А.Волковпа (Нĕркеç) В.Голубевăн(Комсомольски)- иккĕмĕшпе виççĕмĕш вырăнсем. Çĕнтерỹçĕсене пурне те грамотăсемпе, асăнмалăх парнесемпе чысларĕç.

Первоисточник: "Каçал Ен"