Кĕçех çĕнĕ вĕренỹ çулĕ пуçланать. Ятарлă комисси шкулсене çитсе вĕсем ачасене пĕлỹ пама мĕнле кĕтсе илнипе паллашаççĕ. Комиссире- вĕрентỹ управленийĕн, пушар надзорĕн, санэпиднадзорăн, шалти ĕçсен пайĕн специалисчĕсем. Вĕсем çитменлĕхсене тупса палăртаççĕ, çывăх вăхăтрах кăлтăксене пĕтерме хушаççĕ. Ачасене пĕлỹ парасси шкулсене мĕнле хатĕрленинчен нумай килет. Вĕрентỹ учрежденийĕсем вара çу каçа хатĕрленỹ ĕçĕ чылай туса ирттернĕ: классене, партăсене сăрланă, юсанă, хутса ăшăтмалли оборудование йĕркене кĕртнĕ.

Первоисточник: "Каçал Ен"