Физкультурниксен кунне халалланă спорт ăмăртăвĕсем кăçал кăшт каярах юлса иртрĕç. Çак кун мини-футбол площадкине 8 команда тухрĕ. Пĕринчен тепри ăстарах вылярĕç вĕсем. Çĕнтерỹçĕсене уяв парнисем кĕтеççĕ-çке. Уйрăмах Хирти Сĕнтĕр тата Шурут ял администрацийĕсен футболисчĕсем пысăк пултарулăхпа палăрчĕç, финала тухрĕç. Вăйă малтанхи минутсенчех çивĕчленчĕ. Икĕ команди те çине-çинех тапăнса вылярĕ. Çапах та вăйă никам çĕнтерейменнипе, 1:1 шутпа вĕçленчĕ. Çĕнтерỹçĕсене палăртмаллах. Кун пек чухне судьясем пенальти таптараççĕ. Хирти Сĕнтĕр ял администрацийĕн футболисчĕсем пĕрремĕш вырăна хăйсен аллинчен вĕçертмерĕç, шурутсене 3:1 шутпа çĕнтерчĕç. Кунта вара А.Абуков, Ф.Дубков, В.Белов, Н.Волков, В.Ченакин, В.Кольцов спортсменсен тỹпи пысăк. Вĕсем ял администрацийĕн чысне хỹтĕлеме футбол площадкине тухнă-çке. Комсомольски ял администрацийĕн футболисчĕсем виççĕмĕш вырăна тивĕçрĕç.

Первоисточник: "Каçал Ен"