Иртнĕ вырсарникун нефтьпе газ промышленноçĕнче ĕçлекенсем хăйсен професси уявне паллă турĕç. Маларах вара "Чувашсетьгаз" ООО уява халалласа тĕрлĕ конкурссем йĕркеленĕ. "Канашмежрайгаз" кантурĕ районсенчи филиалĕсем хушшинче волейбол турнирĕ тата художество пултарулăх коллективĕсен смотрне ирттернĕ. Пирĕн районти газ участокĕн рабочийĕсем волейбол вăййинче чи вăйлисем пулнă. Командăри Н.Можаев, В.Чернов, Ю.Николаев, С.Морозов, Р.Феткуллин, Р.Мусаев пĕр-пĕрне ăнланса выляни пысăк çитĕнỹ тума май панă. Комсомольскисем пĕрремĕш вырăн йышăнса "Канашмежрайгазăн" куçса çỹрекен кубокне çĕнсе илнĕ. Котелсем юсама тата газ пăрăхĕсем шăратса çыпăçтарма çеç мар, юрра-ташша та ăста иккен вĕсем. Çичĕ ушкăн хушшинче вĕсем виççĕмĕш вырăна тухнă, сумлă парне илме тивĕç пулнă.

Первоисточник: "Каçал Ен"