Августăн 24-28-мĕшĕсенче Рязаньте полиатлон енĕпе Раççей чемпионачĕ иртрĕ. Унта 70 çултан иртнĕ 250 ветеран спортсмен хутшăнчĕ. Пирĕн районтан ăмăртусене С.Зубарев хутшăннă, пĕрремĕш приз тата медаль çĕнсе илнĕ. Унăн кăтартăвĕсем япăх мар. Винтовкăран персе 50 очко пухмалла пулнă пулсан, 38 очко пуçтарнă. 50 метра 1 минутра ишсе тухнă. 5 минутра 1 километра хыçа хăварнă. Гранатăна 25 метра ывăтнă. 60 метра 13 секкунтра чупса тухнă. Ку 80 çултан иртнĕ спорт ветеранĕшĕн япăх мар. Сергей Иванович малашне те ăмăртусене хутшăнма ĕмĕтленет. Эпир ăна спортра ăнăçусем, çĕнтерỹсем сунатпăр. 

Первоисточник: "Каçал Ен"