Сентябрĕн 13-мĕшĕнче ра-йона "Чувашия-Поддержка" страхлакан компанин ĕçче-нĕсем килсе çитрĕç. Тĕллевĕ - район администрацийĕпе çак компани малашне пĕрле ĕçлесси пирки килĕшỹ тăвасси. Хăнасем чăн малтан Минатуллин фермер хуçалăхĕн уйĕсенче пулчĕç. Унтан район администрацийĕн пухусем ирттермелли пысăк залне канашлăва пухăнчĕç. Вĕсене район администрацийĕн пуçлăхĕ Г.Ф.Волков саламларĕ. Канашлу ĕçне "Чувашия-Поддержка" страхлакан компанин генеральнăй директорĕ З.В.Воробьева йĕркелесе пычĕ. Комсомольскинчи представительствăн начальникĕ А.Ш.Минибаева хăйĕн ĕç опычĕпе паллаштарчĕ. Çавăн пекех канашлăва килнисен умĕнче компанин уй-хир тухăçĕн эксперчĕ Л.Ф.Фадеев, финанс директорĕ Н.К.Кнурова, страхлакан агентсем, ытти районсен представительствисен начальникĕсем тухса калаçрĕç. Вĕренмелли нумай пулчĕ канашлура. Компанин, представительствăсен ĕçне лайăхлатмалли сĕнỹсем те сахалах мар пачĕç районсенчен, республикăран килнĕ хăнасем. Пĕрле ĕçлемелли килĕшĕве вара район администрацийĕн пуçлăхĕ Г.Ф.Волков тата "Чувашия-Поддержка" страхлакан компанин генеральнăй директорĕ З.В.Воробьева алă пусса çирĕплетрĕç. Канашлу ĕçне район администрацийĕн пуçлăхĕн пĕрремĕш çумĕ ял хуçалăх управленийĕн начальникĕ Г.М.Киргизов та хутшăнчĕ. 

Первоисточник: "Каçал Ен"